原本預定今日測試Varicam配1200 Deck與MacBook Pro配Final Cut Pro 6.0.1，但一返到公司，就突然收到一部HVX-200P，手柄近Viewfinder部位有裂紋、手柄鏍絲無限扭（即係滑牙）。好，維修為上，試野遲D先搞。

小弟（個電話鏡頭）能力有限，所以影幾張相算數。拆開鏍絲，咦，有粘過既痕跡，而部機自北京先力運番黎香港之後都未整過，即係一年前既舊患發作。再開，兩粒鏍絲初段既鏍紋無晒，換條長D既鏍絲應該無問題。

都唔算太難拆，我呢個維修新手都還應付得到。

分裂成三件，上手求其用AA膠黎整，結果又爆番。

整野最怕係整斷D數據電纜，又薄又易爛。

今次我先用AA膠固定位置，再用最硬最速乾既混合膠黎Reinforce，代價係，唔，好鬼臭。

裝番晒D野，再順手Upgrade firmware到4.06，Happy Ending。